شعر صديت عنك

موضوع: شعر صديت عنك الثلاثاء مارس 17, 2009 2:39 pm

هــــــز الـمـطـر ذكــرى حـنـيـنـي وهـزيـت

شـيء بـقـلـبـي ثـار بـيـن الـحـنـايـا

يــاصــاحـبـي ســامـح اذا بـحـقـك اخـطـيـت

بـكــرة نـمـــوت..وكـلـنــا لـلمـنـايـا

مـابـيـك تــدمـح لـلـخـطـا..يـوم أنـا جـيـت

لان البقـىى مـا عـاد فـيـهـا بـقــايــا

ولابـيـك تـعــذرنـي ..انـا يـــوم صـديــت

جــرحــك بـقـلـبــي نـازف بالـخـفـايــا

درب الهـوى مـبـطـي وأـنا مـنـه عـانـيـت

مـيـر الـبـلا مـوجـود..بـيـن الـزوايـا

عـاشـرت نـاس وشـفـت نـاس ومـاشـيـت

اعـطـي..ولاعـمـري حـنـيـت الـعـطـايـا

يــامــا نـصـيـتـك وانـــت عـنـي تـخـلـيـت

ويـامــا رجـيـت ولا نـفـعـنـي رجــايــا

ويــامـــا ويـــامـــا فــي حــيــاتــي تـمـنـيـت

أشـيـاء كـثـيـره ولاحــقـق هــوايــا

لــو الـقــدر بـيـدي..مــاقلــت يــالــيـــت

الــوقــت مـا خـلـىى لـجـرحـي سـوايــا

هـي واقـفـة الـدنـيـا لامـنـي أقـفـيـت ؟؟

مـحـدن درى عـن ضـيـق صـدري وعـنـايـا

صـديـت عـنـك واعـتـرف انـي أبـطـيـت

مـن مـنـــنـا مـعـصـوم عـمـه الـخـطـايــا

وأبــيـك تـســمــع كــاني بــيــوم اخـطـيـت

بــكــره نــمـــوت ..وكــلـنـا لـلـمـنـايــا