السلام عليكم ورحمه الله وبركاته
كيف الحال أخواتي
تبين شعرج يكثف/يطول/ يمنع التساقط/يصير ناعم/فيه لمعه حريريه
والله يابنات إني من النوع اللي مايستمر على خلطات بس هالخلطة من أول إستخدام
والله العظيم ماأبالغ والله على كلامي شهيد
كل اللي شاف شعري سألني وعطيته الطريقة
وإن شاء الله ماراح تندمون
النتيجة من أول إستعمال ما أبالغ في هالشي
راح يطول شعرك ويكثف ويصير قوي وله لمعة تجنن
تخيلوا أستخدمت الخلطة اربع مرات ومحد شافني ويوم رحت النادي وقعدت أمارس الرياضة انفل شعري الكل تهبل عليه حتى المدربة الأجنبية ماتت عليه وسألتني عن الطريقة
واحلفلكم بالله جاتني بعد يومين تحبني وتقول اشكرك على الطريقة تقول عجيبة بينت معها من أول إستعمال
ماراح اطول عليكم هذي هي الخلطة
تجيبين بصلة متوسطة الحجم مقسمة إلى أربع أقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء
الطريقة
جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر
بعدها صفي الماي من الثوم والبصل
وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه
راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا قبل اجرب الخلطة خفت بس يوم جربتها مافيها ريحه ابد
وصدقيني بتلاحظين الفرق من أول إستخدام
ويفضل تستخدمينها مرتين بالأسبوع لنتيجة أسرع
